الدردشة الكتابية

DigiChat requires a Java Compatible web browser to run.
  • برامج الكمبيوتر الكاملة والنادرة

    برامج الكمبيوتر الكاملة والنادرة : منتديات كلماتي لقسم الكمبيوتر الكاملة والنادرة متخصص لجميع البرامج الكمبيوتر والانترنت الكاملة مع شرحها ومرفوعة على روابط مباشرة .منتدى كلماتي من اقوى البرامج والحصرية ستجدها معنا [...]

    زيارة القسم
  • برامج الفوتوشوب و برامج الرسوم والتصاميم

    برامج الفوتوشوب وبرامج التصاميم قسم يهتم لكل برامج الفوتوشوب الكاملة وبرامج الرسومات والتصميم الاحترافية والنادرة يقدمها لكل من يعشق التصاميم واللمسات الاحترافية . وكما انها مرفوعة على روابط مباشرة مجاناً كل زوار واعضاء منتدى كلماتي [...]

    زيارة القسم
  • ѕωιѕн мαх | السويتش ماكس

    الى عشاق التصاميم الفلاشية الاحترافية الى من يرغب في إلابداع في التصاميم الفلاشية . الان منتديات كلماتي يقدم اقوى الدروس الاحترافية لـ برنامج السويتش ماكس وبالفيديو وبطريقة سهلة ومبسطة للمبتدئين  لبرنامج السويتش ماكس من اقوى الشروحات والحصرية تجدها في منتديات كلماتي [...]

    زيارة القسم
   

اقسام منتديات كلماتي
إسلاميات الحوار العام الترحيب فساتين غرائب وعجائب ابداعات الاعضاء
السيرة الاسلامية مواضيع ساخنة ازياء عالم حواء صور فوتوشوب
إلا رسول الله الاهداءات والتهاني الصحة عالم الطفل مسجات دروس التصميم
محاضرات اسلامية عالمك الخاص سينماء مكياج رياضة ملفات السويتش ماكس
اناشيد اسلامية عذب الكلام ملحقات الفوتوشوب سياحة وسفر مسنجر برامج التصميم
رمضانيات قصائد شعرية دروس السويتش ماكس مطبخ كتب منوعة برامج الفلاش
القرآن الكريم قصص ملفات مفتوحة حلويات برامج كمبيوتر السويتش ماكس
يومياً اخر المواضيع على ايميلك

ابحث

انت الآن تتصفح ][ منتديات كلماتي ][

آخر 10 مشاركات برنامج DLL-FiLes Fixer 3.1.81.2877 يبحث عن اي ملف Dll ويقوم بتنزيله و تسطيبه ( آخر مشاركة : karimoux... - )       برنامج Mipony 2.1.3 الرائع للتحميل من اى موقع بدون مشاكل نسخة محمولة ( آخر مشاركة : Hamada Bader... - )       برنامج اصلاح ملفات dll الناقصة وحل مشاكل الالعاب Dll-Files Fixer 3.1.81.2877 ( آخر مشاركة : Hamada Bader... - )       سخرية باسم يوسف من مرتضى منصور حلقة 18-4-2014 ( آخر مشاركة : شمائل ازل... - )       سنة تحريف الوحى ( آخر مشاركة : رضا البطاوى... - )       لعبة Tekken 5 نسخة تعمل على الكمبيوتر ( آخر مشاركة : karimoux... - )       خلفيات ايفون ( آخر مشاركة : عياد الذيب... - )       اقوى برنامج للتعديل على الصور بمميزات رائعه Nikon Capture NX 2.4.7 ( آخر مشاركة : karimoux... - )       برنامج J. River Media Center 19.0.127 لتشغيل مختلف انواع الميديا ( آخر مشاركة : ابن رابعة... - )       حمل اقوى برنامج لوضع صورك فى اطارات وتحويلها لتحفة فنية رائعة Frame Photo Editor ( آخر مشاركة : ابن رابعة... - )      
العودة   ][ منتديات كلماتي ][ > :: أورأقــ رومــانســية :: > ◦.. قــصأئـد شعـرية .. ◦
◦.. قــصأئـد شعـرية .. ◦ حروف ٌ ، طيوفْ ، وألف قكِرَة .. من حياةٍ خَصِبة الآمال ؛ نَضِرة

 

 

 

 

 

 

 

إضافة رد
 
أدوات الموضوع انواع عرض الموضوع
قديم 2008-08-17, 03:24 AM   #1

| كلمـآتـي 
مـ؛ٌِ~ـآإلكَّ ـآلموٍقعَّّ

alkap ~
 
الصورة الرمزية كلمـآتـي

  عَضويتيّ : 2
  تَسجيليّ : Jun 2008
ڪلً مآ قدمت ً : 5,078
  تًجـِدنىً فً :  Aden CitY
 نُقآطِيْ : كلمـآتـي has a brilliant futureكلمـآتـي has a brilliant futureكلمـآتـي has a brilliant futureكلمـآتـي has a brilliant futureكلمـآتـي has a brilliant futureكلمـآتـي has a brilliant futureكلمـآتـي has a brilliant futureكلمـآتـي has a brilliant futureكلمـآتـي has a brilliant futureكلمـآتـي has a brilliant futureكلمـآتـي has a brilliant future
 My Facebook My Twitter My Flickr My Fromspring My Tumblr My Deviantart دولتي Yemen
مشروبك   cola
قناتك action
موُدي : مزاجي
آلـهمسً :
My Mms ~
افتراضي مكتبه الشاعر حامد زيد (( كتابة + استماع + تحميل ))

نقرتين لعرض الصورة في صفحة مستقلة
نقرتين لعرض الصورة في صفحة مستقلة
][ صباح ][ ... / ... مسـاْء ... [ ـالغلآ ] ... نقرتين لعرض الصورة في صفحة مستقلة



مكتبه قصائد الشاعر المبدع حامد زيد

اقتباس:


ملاحظة : لرغبة اعضاء منتديات كلماتي

تم تعديل الموضوع والروابط بتحميل مباشر بتاريخ

4 / 4 / 2014 م


نبذه عن الشاعر


الاسم : حامد زيد سعدون فارس العازمي

مواليد 4/فبراير/1977 للميلاد

الحاله الاجتماعيه : متزوج ولديه ثلاث بنات ( اسماء-ساره-ريم )

حاصل على شهاده دبلوم تجاري من كلية الدراسات التجاريه

عضو ديوانية شعراء النبط الكويتيه بدرجة شاعر ممتاز

موظف في وزارة الشؤون الاجتماعيه والعمل

كانت بدايته الاولى في الظهور عبر وسائل الاعلام من خلال البرنامج التلفزيوني (ديوانية شعراء النبط ) وذلك في اواخر عام 1996 للميلاد . والبدايه الفعليه بالصحافه من خلال مجلة المختلف في احتفالية العدد المؤوي وكان في نوفمبر 1999 للميلاد .

اطلقت عليه العديد من الالقاب من خلال الصحافه الشعبيه الخليجيه ومن اهم هذه الالقاب ( قنبلة الشعر, شاعر المختلف, شاعر الشباب, شاعر المطولات, شاعر الخناجر )

اقام العديد من الامسيات بالكويت ومن اهمها

امسية هلا فبراير بتاريخ 5 فبراير 2001 بمشاركة كل من الشاعرين : ضيدان بن قضعان وعياد الشمري

امسية هلا فبراير بتاريخ 9 فبراير 2002 بمشاركة كل من الشاعره بشاير الشيباني والشاعر حمد السعيد

امسية هلا فبراير بتاريخ 16 فبراير 2004 بمشاركة الشاعرخالد المريخي

امسية الهيئه العامه للشباب والرياضه بالتعاون مع جريدة السياسه فيه 12 يونيو 2000 وكان عريف الامسيه الاستاذ على المسعودي

امسية معرض الكتاب وكانت بمشاركة الشاعر رجا القحطاني فى عام ديسمبر 2000

الملحمه الوطنيه وكانت بمناسبة مرور عشر سنوات على تحرير الكويت واربعون سنه على الاستقلال وكانت بمشاركة عشر شعراء خمسه من الكويت وشاعر من كل دوله من دول مجلس التعاون وهم كل من :

(خلف بن هذال العتيبي) من المملكه العربيه السعوديه

(محمد عبدالعال) من مملكة البحرين

(هادي القحطاني) من دولة قطر

(خالد المعنى) من سلطنة عمان

(محمد المر) من دولة الامارات العربيه

ومن الكويت كل من :

(محمد عبيد العجمي)

(سعود الفهد)

(شنوف الهرشاني)

(طلال السعيد)

(وشاعرنا)

بالاضافة الى العديد من الامسيات والمهرجانات فى كثير من المحافل فى الكويت

ومن اهم الامسيات التي شارك بها الشاعر خارج دولة الكويت

أمسية مهرجان عباده وإستفاده فى المدينه المنوره فى 25 يونيو 2001

أمسية مهرجان صيف الطائف وكانت تحت رعاية الأمير / فيصل بن خالد بن عبدالعزير آل سعود بتاريخ 5 يوليو 2001

أمسية أتحاد طلبت الكويت بالقاهره في اكتوبر 2000

أمسية عنيزه في ختام مهرجان القصيم السياحي والتي وصل جمهورها الى 8000 شخص في تاريخ 31 يوليو 2003

أمسية ابوظبي في 15 إكتوبر 2003 تحت رعاية سمو الشيخ فلاح بن زايد بن سلطان آل نهيان

أمسية صيف أبها في7 أغسطس 2004 تحت رعاية الامير فيصل بن خالد بن عبدالعزيز

وله أربع إصدارات ديوان مقروء ويحمل اسم أربع خناجر

والبوم مسموع يحمل أسم شعر حامد زيد

وآخر يحمل أسم السفينه

والاخير شريط مشترك للشاعر حامد زيد والشاعر خالد المريخي

واسمه امسية هلا فبراير 2004




نقرتين لعرض الصورة في صفحة مستقلة





نقرتين لعرض الصورة في صفحة مستقلة


الحلم


من اول مارجعت من السفر ماشفتلك بينه..
وانا الي كنت احسبك قبل ادوس ارض المطار تجين..
تكوننين انتي اول شخص عيني تحتضن عينه..
وكنت اتخيلك من زود فرحة رجعتي تبكين..
واشوف بدمعتك حكيك..واعرفه قبل تحكينه..
واجيب احلى من اللي بتحكينه..واتركك تحكين..
تقولين الوطن نور..واقول بنور مضوينه..
تقوليلي غديت احلى..واقول عيونك الحلوين..
كلام نام بشفاهك..وخفتي لاتصحينه..
ذخرتيه لغرام اللي ينام..ويتركك تصحين..
تغانمتي غيابي لين رجحتي موازينه..
تعلم من يدك لمس الكفوف..وعلمك تجفين..
وليتك لاقية به شيء..فيني ماتلاقينه..
مهوب غرور..لكن خابرك مالك امل تلقين..
تغافلتي بغلا..ولا الحلا ماهوب من زينه..
تزينه الصور..بس الصحيح ابن الحلال زوين..
وانا مانيب ناقص عنه..يوم انك تبدينه..
نصيبي هو نصيبي..لو يسددها من الصوبين..
قنوع بمظهري..والسم مايذبح ثعابينه..
على قول المثل..ماني حلو لكن ماني شين..
اذا اهداك الزهر مره..فانا اهديتك بساتينه..

واذا الهاك بفرح ليله..فانا تهت لبكاك سنين..
واذا استضعفتك املاكه..وشتتك ملاينه..
انا حتى فتات الخبزه اقسمها معك نصين..
طموحي بس اجي واظفر بشيء تستحقينه..
تدينته..تسلفته..سرقته..مو مهم منين..
كأني من كثر مارضا بكل اللي تمنينه..
لو انك تطلبين الله يعنيني..بقول آمين..
انا مالعب على الحبلين وقت الطيش وسنينه..
تبين الحين يوم اني كبرت..العب على الحبلين..
ترا عند البدو بالذات..عيب اللي تسوينه..
حلاتك لاعشقتيني..تعشقيني ليوم الدين..
غرام نسكن ضلوعه..حشيمه من مجانينه..
جفا يجمع معزتنا..ولاعشقً يذل اثنين..
كثار اللي تحدوني..وقالوا لي تحبينه..
امانه لاتخليني..صغير في عينهم تكفين..
لأني كل ماقالوا تخون..اقول مسكينه..
عليك الله وامانه..علميهم من هو المسكين..
انا خايف ليا طاح الجمل تكثر سكاكينه..
وانا ماعادت ضلوعي تحمل طعنةالسكين..
مثل ماقالوا المكتوب..واضح من عناوينه..
لو ارحل منك للغربه..بسافر من ظلامك وين..
كفايه كل حلم يمر في رقادي تزورينه..
كفايه من تفارقنا..وانا ماغمضتلي عين..
قبل يومين..شفتك في المنام..وقمت من حينه..
ونمت امس..ورجع نفس المنام اللي قبل يومين



نقرتين لعرض الصورة في صفحة مستقلة


للاستماع







لتحميل
نقرتين لعرض الصورة في صفحة مستقلة







نقرتين لعرض الصورة في صفحة مستقلة

نقرتين لعرض الصورة في صفحة مستقلة


رد السؤال

انتبهت لدمعها بالهدب..والكحل سال..
لين جفت عينها دمع..والقاع ارتوى..
وابتدت لحظة جفا..وانتهت لحظة وصال..
وانطفا نور السعاده..واحسب انه ضوى..
ماكتفيت من الهوا والغرام..اربع ليال..
واقفت ايام التلاقي..وجا وقت النوى..
كنت ابسلى وابتسم..والتفت عنها شمال..
لاقويت الصد عنها..ولاقلبي قوى..
ماهقيت ان الهوا عذب قلوب الرجال..
لين ضاع العقل مني..وتفكيري سوى..
رحت ادور دفوة الشمس..ضيعت الظلال..
جيت اطفي شعلة النار..والقلب انكوى..
ماهقيت ان السعاده خيالً في خيال..
تروي قلوب الحبايب..وقلبي ماروى..
كنت ابشتال الهوى..والهوى ثقل الجبال..
وان تحملت الجبل..ماتحملت الهوى..
كنت ابسلى بالهوى..والهوى صعب المنال..
مارضالي حظي الي..طواني وانطوى..
قلت لأفراحي تعــالي ولاقالت تعـال..
والخفوق ان قلت ابدبل..على صدي نوى..
الله اكبر..لأشرقت شمس..يتلاها زوال..
كيف ابفرح في صباحً..مع الليل استوى..
لاحصل بالحب قسمه..ولاجالي مجال..
غير اشوف معاند الجرح..وعناد الدوا..
شبت النيران..وأقفت..وجا رد السؤال..
ماتشب النار ياكود يوصلها هوا..


نقرتين لعرض الصورة في صفحة مستقلة


للاستماع






لتحميل
نقرتين لعرض الصورة في صفحة مستقلة








نقرتين لعرض الصورة في صفحة مستقلة

نقرتين لعرض الصورة في صفحة مستقلة


الذهب

ياكثر مارافقت خلان وأحباب..
وياكثر مافي شدتي هملوني..
على كثر ماعدهم ستر وحجاب..
على كثر ماحتجتهم وتركوني..
من صارت الخوه ثمن حفنة تراب..
نفس الوجيه الي نصوني..نسوني..
من غير ذكر عروق..وفروق..وأنساب..
كانوا ثلاثه..والثلاثه جفوني..
علمتهم وشلون الأهداف تنصاب..
ولما سواعدهم قوت..صوبوني..
عشاني اصغرهم عمر..صاروا احزاب..
عشاني اصدقهم قصيد..اظلموني..
الي نجح اسمي زرع فيهم انياب..
حتى النصيحه مابغوا ينصحوني..
دام العطايا عندهم دين واتعاب..
والله لو اطلب ذنبهم ماعطوني..
طالب نصيحه كني مطالب رقاب..
وهي نصيحه..كيف لو زوجوني..
كنت اكتب لنفسي مشاريه وعتاب..
ولاادري ان اللي قروني..قروني..
تضاربت من دوني عقول والباب..
واجد بغوا غيري..وواجد بغوني..
اقبل هدب تسهر على شعري اهداب..
كني حبست رقادهم..في جفوني..
لو شفتهم واحد..يشوفوني اسراب..
من وين مالدوا نظرهم..لقوني..
اثري وجودي بينهم محرق اعصاب..
ومزعل بعضهم من بعض..لو طروني..
ياكبري بعيني..وانا توني شاب..
وأهم كتاب الشعر حاربوني..
حتى ولو يهوي على نجمي شهاب..
يكفيني ان اسمي كبير بعيوني..
كد قال ابوي..ان هبتهم..قول..ماهاب..
لو يقدرونك.. قول..ماتقدروني..
ومدام قبري محتضن راس مرقاب..
على كثر ماتقدرون ادفنوني..
لو ماني بذيب..انهشت عظمي ذياب..
لو ماقدرت اثبت وجودي..لغوني..
لو ماسكنت وجيههم..مت بغياب..
لو ماعرفت امحي ورقهم..محوني..
ماجيت ابدبل كبدهم شعر وخطاب..
لين ادبلو كبد الذي خلفوني..
ياويل وجهي كن للدمع مخلاب..
ماجف ماه
عسى الله يفتح بوجهي ابواب..
تتوسله بالشده يكون عوني..
من كثر ماخفاقها بالدعا ذاب..
صارت تحس ان زملاي كرهوني..
بشرتها..يمه معي ربع واصحاب..
ماني لحالي..واجد اللي يبوني..
من يوم ماحاز قلمي كل الألقاب..
قلطتهم في دفتري وحفظوني..
الله وهبنيهم بني عم...واجناب..
من يوم جيت اعجبتهم..واعجبوني..
واعجابهم فيني مهوب اية اعجاب..
باسلوبي..بشرحي..بطرحي..بلوني..
لو قلت عن نفسي بشر..صرت كذاب..
لو قلت دمي من ذهب..صدقوني..
لو بيدهم كان زرعوا دربي اعشاب..
لو كيفهم يتشبهون..شبهوني..
من كثر ماصاروا من طبوعي اقراب..
حتى بلبسة شمغهم..قلدوني..
واجد دعوني واغلقوا دوني الباب..
وكثار ناس ابكيلهم مابكوني..
لو طالوا الهدني مناسيب واطناب..
كانوا غلاتك من زمان هدموني..
مدام حطوا فيني عيوب وأسباب..
جنبت عنهم..مثل ماجنبوني..
اصلاً لو أن بخوتي شيء ينعاب..
ذبحت نفسي..قبل لايذبحوني..
انا يدي لو ماكست متني ثياب..
نذرٍ علي أقطع يدي من متوني..
مو عيب اجي مدعو..ولاأشوف ترحاب..
العيب لو اني رجعت ثم دعوني..
مادمت اجي..ولايحسبولي حساب..
حرمت اروح..إذا يبوني يجوني..


نقرتين لعرض الصورة في صفحة مستقلة

للاستماع






لتحميل
نقرتين لعرض الصورة في صفحة مستقلة








نقرتين لعرض الصورة في صفحة مستقلة

نقرتين لعرض الصورة في صفحة مستقلة


عـــاتبوهــا

بعد ماقـابلتنـي عاتــبوهــا..
على شوف الحبايب حاسبوها..
خذوها وابعدوها غصب عني..
وعن وجهة طريقي جنبوها..
وشالوها عن عيوني غصيبه..
عواذل..واغصبوني واغصبوها..
خذوها من يديني شوف عيني..
وعن عيني تعدوا وحجبوها..
كلام وصدقوا بالبنت كذبه..
وهم اللي من اول كذبوها..
وهم وش دخلهم في مال بين..
لأبوها والخلايق طالبوها..
وفّيه..ماتخون ولاتعاند..
جسوره..والمواعيد ارعبوها..
ملاكً كامله والكامل الله..
ولكن العواذل عذربوها..
وهي كل مادعتني تشتكيلي..
عن اللي سالفتنا سربوها..
تخاف..وتلتفت مع كل كلمه..
تظن ان العواذل راقبوها..
تلفت من عقب ماهي جريئه..
شجاعه ماتهاب..وهيبوها..
واهديها وانا حاير وثاير..
مصيبه ياعذابً عذبوها..
وهم كل ماخذوها عن طريقي..
تراهم صوب قلبي قربوها..
وانا ماتعبت قلبي خيانه..
خيانه رتبوها واحسبوها..
ولايعجز خفوقي لايقابل..
جفا من حاربوه وحاربوها..
وانا لي عزةً تفرض عليه..
اخاطب بالجفا من خاطبوها..
واكسر لوحة الماضي وازيله..
واخربها مثل ماخربوها..
واذوقهم ندم ماصار فيها..
واشربهم من اللي شربوها..
وادلعها..واولعها بنفسي..
واشرقها بعد ماغربوها..
واعوضها عن اللي راح كله..
وعن ذيك اليالي ***وها..
غلاها بالحشا لازال ثابت..
ولو حتى بغيري حببوها..
وغلاي بقلبها مر وتعدى..
غلاها لأمها ولا لأبوها..



نقرتين لعرض الصورة في صفحة مستقلة


للاستماع





لتحميل
نقرتين لعرض الصورة في صفحة مستقلة








نقرتين لعرض الصورة في صفحة مستقلة

نقرتين لعرض الصورة في صفحة مستقلة


التمثال

عفا الله عن غدر الظلوع والخناجر ابطال
بسامح واتركك في الظلام لحالك لحالك
دخيلك وفر دموعك ترا هدر الدموع ذلال
وترا ما فيه احد يصبر مثل صبري في غربالك
انا عيب علي انقض كلامي والرجال افعال
وان قلت ابقطع حبالك تراني ابقطع حبالك
عشان اكسب هدب عينك تجرعت العذاب اشكال
وليتك ترأف بحالي عشان ارأف بحالك
مسوي في حياتي شي ما يذكر ولا ينقال
حشى حتى العدو وهو العدو ما يعمل اعمالك
تمسيني على الهم وتصبحني على الغربال
تقلطني فناجيلك وتقصر عني دلالك
تحملت التعب لجلك وانا حملي يهد جبال
رحلت من العذاب وما وقفت الا على جالك
علامك كل ما اجيك متواضع جيتني تختال
معاك لمتى بصبر وصبري معك يحلا لك
مثل ما اقبلت لعيونك لزوم ترد لي بقبال
ومثل ما قد حشمتك حس واحشم قلبي اشوا لك
انا محدن بجابرني اساير معك هالمنوال
ترا لاني تبيع لك ولاني اصغر عيالك
انا جيت اعشقك نبض ومشاعر ما اعشقك تمثال
انا جيت اسكنك واحياك وابقى فيك وابقى لك
انا جيت بضمى عاشق تعب يطرد سراب الال
انا جيت استفتز رضاك من فرقاك ولجالك
انا ما همت بك عاقل انا كنت اعشقك بخبال
انا ما كنت احبك حي انا كنت اعقشقك هالك
تخيل من كثر ما اخاف تلقى للزعل مدخال
اخاف اخطي على طيفك وادوس برجلي ظلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك
كأن اللي خلق حسنك خلقني مع جسدك ظلال
وصرت اقرب جسد يمشي معك في قفاك وفي قبالك
ابي قلبك يحس انه فقد في محبته رجال
ملكته من هدب عين وخسرت رضاه بأهمالك
صحيح ان الفراق اقسى ولكن الوصال محال
وانا صعب علي ارضي غرورك واضعف قبالك
بعد ما حققت عيني في بعدك لرقاد آمال
اعود للسهر ياخوي فال الله ولا فالك
ببدل نظرتك فيني واجي لك كل يوم بحال
بكون اقرب من ثيابك عليك ولا تهيى لك
بلمك وانثرك واجمعك وارجع وانثرك بهمال
ابخونك وازعلك وارضيك وازعل منك وارضا لك
ابرسم بالثرى وجهك وبدفن صورتك برمال
ابشكي للعرب فرقاك واضحك عند عذال
ابهديك الوصال فراق واهديك الفراق وصال
بسوي مثل ما اشوفك تسوي وافعل افعالك
عشان تعرف من فينا الزعول ومن وسيع البال
ابيك تذوق فنجالي وانا بذوق فنجالك
نصيحه واحتفظ فيها قصر معك الزمن او طال
ابي تسمع كلامي زين وتحطه على بالك
اذا حبك هبال اطفال الك عندي هبال اطفال
ولا وابشر بعد بهبال حباً ما هو بهبالك
واذا قصدك تهين اسمي عشان تشمت العذال
حشى لا انتا ولا غيرك ولا عشره من اشكالك



نقرتين لعرض الصورة في صفحة مستقلة


للاستماع






لتحميل
نقرتين لعرض الصورة في صفحة مستقلة





نقرتين لعرض الصورة في صفحة مستقلة

نقرتين لعرض الصورة في صفحة مستقلة


رسالة رثاء

جيت اخاطب صرح واحكي من مناره

جيت اجدد جرح حزني واستثيره

جيت اقاسم دين الاسلام المراره

جيت اجرد حزن امه من جفيره

جيت اصفق للتواريخ بحرارة

جيت اوثق ذكريات الالف سيره

عن صروح وعن طموح وعن ادارة

عن قيادة عن ارادة عن بصيره

عن وجود الحب عن صدق الطهارة

عن حنان الاب وعن رحلة سفيره

عن منارة كل بيت وكل حاره

عن خسارة كل دار وكل ديرة

عن رجل يصعب على الشعر اختصاره

عن زعيم قل من تنجب نظيره

لأنه اول من ثبت حبه لداره

ولأنه اكثر من غمر هالارض خيره

ولأنه اقدم حب يجمعنا شعاره

ولأن دنيًا ما بها زايد مريره

كل دمعٍ ما يساق له بغزارة

والله انه ما يساق لموت غيره

من رحل سبع الجزيرة عن دياره

ضاقت الارض بعرب شبه الجزيرة

يا ذراعٍ رد للطهر اعتباره

يا رسالة رحلة الخير وبشيره

يا سبب مجد الإمارات وعماره

يا ذرا كل الشعوب المستجيرة

يا صدارة ما بعدها من صدارة

يا مسيرة ما تعدتها مسيرة

غيبتك ضيعة وفقدانك خسارة

والقلوب بلا جناحينك كسيرة

الوطن يبكيك ليله مع نهاره

والبشر تنعى جمايلك الغزيرة

يكفي انك كنت للأمة بشارة

يكفي انك سيد الحلم واميره

يكفي انك واحد لسابع اماره

يكفي انك ديره بمليون ديره

من حدودك بدل العالم مساره

من رعودك بلل التاريخ بيره

من سجودك اثبت الدين انتصاره

بعد جودك صابت الحكام غيره

يا ملاذ لكل من لاذ بفراره

يا مجير لكل من جوره يجيره

يا مرسخ كلمة العدل بجدارة

يا ميسرها وهي قبلك عسيره

يا حضارة في زمن ما به حضاره

يا ضمير لعالمٍ ميت ضميره

من يعوض الخير عن غيبة وقاره

من يلوم العرض في راعي الستيره

من يطفي في ضلوع الشعر ناره

من يشتت عن عقول الناس حيره

عشت مثل الحب لا يمكن دماره

كنت مثل المزن غيره تحت خيره

كنت مثل الطيب نفرح بانتشاره

كنت بالنسبة لنا حاجة كبيرة

انت نورٍ ترفض الأرض اندثاره

انت غيثٍ يروي الدنيا غديره

انت جارٍ يفزع ليا ضاق جاره

انت سيره مثلها ما فيه سيره

انت غاية انت رايه انت شاره

انت خوّه انت قوّه انت جيره

انت كل المدح ما ينقص عبارة

انت كل المجد ما تبقى مسيره

باختصار انت الذي صعب اختصاره

انت تاريخك من أولته لأخيره

جيت أقاسم حزن شعبك وانهياره

جيت أبستفزع قصيدي واستثيره

جيت لك ببكي على القبر بغزارة

جيت أجرد سيف حزني من جفيره

شاعرٍ يكسب من وقارك وقاره

ويعتبر مصير شعبك من مصيره

من قناعة حب شعبك وافتخاره

افتخاره عن قناعاتٍ كثيرة

انك اول من ثبت حبه لداره

وانك اكثر من غمر هالأرض خيره

وانك اول حب عاشته الاماره

وموتك اكبر حزن عاشته الجزيره



نقرتين لعرض الصورة في صفحة مستقلة


للاستماع





لتحميل
نقرتين لعرض الصورة في صفحة مستقلة








نقرتين لعرض الصورة في صفحة مستقلة

نقرتين لعرض الصورة في صفحة مستقلة


كحيلان

يا شعر تبقى في نظرهم كحيلان

وبنظرتي تسوى عيال الحمايل

حنا الاثنين اخوان واكثر من اخوان

لو ما اجتمعنا بالنسب والسلايل

لو نختلف بأسماء وعروق وأوطان

يبقى التشابه بيننا بالخصايل

وانا ليا مني نويت أكسب إنسان

أسعى له بكل السبل والوسايل

أعرف كيف ارد الاحسان باحسان

وكيف احصد بذور الفضايل فضايل

عايش زمن عاصرت به كل الازمان

ما اعيل بس انطح ثمانين عايل

اكسب عدو واحرق به قلوب عدوان

اشعل فتيله بس أطفي فتايل

إن خفت ضعف أخاف من ضعف الإيمان

وإن عفت حمل أعاف حمل الجمايل

ما أضمى على الساحل ولو مت غرقان

لو مركبي تابوت والموج هايل

أغرق شهيد أرحم من أموت عطشان

طيحة شموخ ولا وقوف متمايل

ودك ليامن جيت في كل ميدان

لو ما انت الاول بالصفوف الأوايل

خلك ليا عودت خسران خسران

ينقال عنك عامل(ن) لك عمايل

لا صرت تحلم احلم تكون سلطان

وان جيت تقنع اقنع بحلم زايل

الوقت غربة وآخر الدرب عنوان

والعمر رحله والتجارب رحايل

وانا كثر مالي من الناس خلان

اللي صفولي بالشدايد قلايل

شايف حسد.. قل شايف اشكال والوان

قابلت ظلم.. الا لقيت الهوايل

وإن عشعش بصدري من الغبن شيطان

وتسددت دوني جميع الوسايل

بلقى من عيال الحمايل كحيلان

اللي يكفي عن عيال الحمايل

مرات ربك يرزقك خوة إنسان

واحد ويسوى في عيونك



نقرتين لعرض الصورة في صفحة مستقلة


للاستماع





لتحميل
نقرتين لعرض الصورة في صفحة مستقلة







نقرتين لعرض الصورة في صفحة مستقلة

نقرتين لعرض الصورة في صفحة مستقلة


صح النوم

تعودنا على حمل الجمايل والزعل واللوم
ولا نرفض عتب غالي ولا نزعل من جداله
تمنينا حوز اغلى مكانه في وجيه القوم
ونعيش الخوه بوقت يضد رجاله رجاله
تعلمنا من الدنيا وزدنا للعلوم اعلوم
وسقنا للدروب قلوب رجليه وخياله
وقفنا للزمن وقفة شجاعه والقروم قروم
الين ان صار واحدنا بديل اقواله افعاله
الى منه خذا ياخذ مثل ماياخذ المحروم
والي منه عطا يعطي ولو من لقمة اعياله
ولا بتنا ولو باتت رحايلنا بدون عزوم
نساوم للفخر بارضه ولو بأي من اشكاله
ولا عفنا ولو شفنا على باب النهار سموم
ولا خفنا ولو طفنا بمخراجه ومدخاله
واذا شفنا عناقيد العنب فوق الشجر ملموم
نهز غصون عنقوده واذا ماطاح نرقا له
نصبر بعضنا بالكذب الابيض والهدف معدوم
ونقول انا وصلنا له لو انا ما وصلنا له
وانا واحد من اصغرهم طموح وللطموح رسوم
على وجهي مثل قوله بغى شي ولا ناله
عطيت ولا رضيت اخذ من سلوم البخيل سلوم
ولا عمري رضيت اقعد على قلب العرب عاله
ولا ارضى بالفخر فزعه وجواسيس وكلام رخوم
ولا عمري حنيت الوجه بعد المجد لحثاله
غناي الله وانا رجل عزيز مقدر محشوم
قنوع بالقدر وان قلت فال الله ولا فالك
بسيط يرمي حموله على متن الجبال هموم
بوقت الاسف عيت تطيق همومه جباله
بوقت نزل خشوم ورفع من رداه خشوم
وخلي قيمة الرجال بين الناس برياله
صحيت وقلت للنايم بعد ماقام صح النوم
زمانك ماعطاك إلا صور وحطام تمثاله
سنين اطالع البارق وقول ان المطر محتوم
وهو ما مد لي كفه وانا ما طلت هماله
أرد اكذب على نفسي واقول ان النخل مفطوم
وهو ما بالنخل عذقي عطش ماذاق شلاله
وانا مابي من البارق هماليل ومطر وغيوم
ولو ذقت العطش بعيون طرقية ورحاله
تعلمت الصبر من كنت طفلي بالمهد مزموم
إلين ان صرت رجل لا أنتخوا به طوح اعقاله
وانا ما احلف بعد عمر طويل بدفنتة المرحوم
بقول الله ولا غير الله الرحمن نلجاله
ومثل ما بالمطر خوه الي من اهل كوم وكوم
انا قلبي بعد يقدر يدك البيد بلحاله
واذا اسمي واصل الدنيا قبل لا القى الحياه بيوم
ابتكرها وانا اسمي يضرب التاريخ بامثاله
واذا ربعي وهم ربعي تناسوا حقي المهضوم
بعيش اشره على قلبي قبل ارثي على حاله
واذا كفي طعن كفي برأس الخنجر المسموم
بعرف ان النصيب اقرب من الرجال لظلاله
مدام ان الزمن خلا الشجاع بوقتنا مهزوم
اجل خلو ضعيف النفس يقصر شرة اشواله



نقرتين لعرض الصورة في صفحة مستقلة


للاستماع





لتحميل
نقرتين لعرض الصورة في صفحة مستقلة






نقرتين لعرض الصورة في صفحة مستقلة

نقرتين لعرض الصورة في صفحة مستقلة


الجمهرهـ

إي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستره مايملي عيون الحسود بهالزمن غير التراب
ومن لايتوب من الخطا تحرم عليه المعذره اللي من أولها خراب أكيد تاليها خراب
والبندق اللي ماتثور في هدفها تذعره ودك اليامن جاتك الغلطه من الناس القراب
الصاحب اللي ماكسبت محبته ماتخسره مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنجره صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبره مافيه دمع ٍ صوبوه أحبابي بوجهي وخاب
ولازرق حزني على غالي ولافج انحره كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره لأني تجنبت الغرق.. عديت من فوق السحاب
لأن أكثر أصحابي ورق..ماشفت للطيب إثمره والله ماحطيت بين الحقدوالخوه حجاب
حتى غدوا ربعي يحدوني على الضيق أشكره البارحه ثارت علي رقاب وأوتني رقاب
البارحه ياثقل دم البارح ويامحقره أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره لابارك الله في رفيق ٍ تزعله كلمة عتاب
ولاجمع الله الرجال اللي تفرقهم مره الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي ب أهجره من يفتح لفرقاي باب أفك له عشرين باب
وأذا خويي مايقدر خوتي ما أقدره عو ّدت نفسي كل ماشددت لليمّه ركاب
مأصد وجهي عن طموح إلا لياجبت خبره أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره شفهم لهم حول السنه ولا خذوا مني جواب
أحسن دوا للي يحاول يستفزك تحقره ماكنت أحاتيهم صغيّير ..عاد أحاتيهم شباب
الصاحب اللي ما أذخره لليوم الأسود ما أذخره شفني جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره اللي يخاف من الظما يترك لنا طرد السراب
واللي ماهو بقد الظلام ووحشته لايسهره عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره انا تجرعت الظما لين أحترق وجهي وذاب
انا كسرت بخاطري قبل الصداقه تكسره انا خسرت اللي غيابه غير عن كل الغياب
انا غفرت لعالمٍ ماتستحق المغفره انا أكثر (أنسان) تعلم من كثر ماأخطأ وصاب
انا أخر (لسان) يتكلم في زمان الثرثره انا القصيد اللي فزع من دفتره مليون ناب
وانا الوحيد اللي جمع مليون ناب بدفتره جفني وجرّحه السهر ، حيلي وهدّته الصعاب
دمعي هدر،ضحكي ندر،عمري وضيعت أكثره شيبت بعقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهره ماصرت ذيب إلا لأن اللي تحدوني ذياب
ما كنت أغيب إلا لأن العفو عند المقدره ترى حلاتك لاحملت لصاحبك كلمة عتاب
أن مانطقت بها بوجهه ماتذمه بظهره في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره ودك اليامن جاتك الغلطه من الناس القراب
الصاحب اللي ماكسبت محبته ماتخسره


نقرتين لعرض الصورة في صفحة مستقلة


للاستماع






لتحميل
نقرتين لعرض الصورة في صفحة مستقلة








نقرتين لعرض الصورة في صفحة مستقلة

نقرتين لعرض الصورة في صفحة مستقلة


القدس

تخيلوا لو يفزع الجار للجار
في مجتمع غاضب وحاقد ومشحون
وتخيلوا لو تلتفت كل الانظار
للمشهد اللي وقفت دونه عيون
وتخيلوا لما رحل الحرب تندار
مابين حكام العروبه وصهيون
اليا متى نستقبل ذنوب بأعذار
واليا متى نستنزف جروح بطعون
نتبع خطأ تيار ونصد تيار
نبعد وعدوان المسلمين يدنون
لوكان بقلوب العرب صبر واصرار
ماكان سووا فيكم اللي يسوون
بهمالكم بدلتم الثار بالعار
بعتم تراب القدس وانتم تشوفون
حنا كذا بمعارض الراي شطار
لين أستوى بالمجد عالي ومطمون
من كثر ما كنا نجامل ونحتار
صرنا نخاف نعارض اللي يقولون
لقدس تصرخ والسما تحصد أعمار
والدم ينزف والارامل يموتون
وارواح تسلب سلب واعصاب تنهار
واطفال تعدم والبشر ما يحسون
خمسين عام نحارب الشرك بأحجار
وبسكوتنا نبني عمارات وحصون
ننسى وكن اللي حصل شي ماصار
نسكت وكن مابيننا شخص مغبون
لين أشربوا من دم الاسلام كفار
وبعروقنا صاروا يروحون ويجون
استضعفوا لين اضعفوا كل الاقطار
ساقوا غضبهم والاوادم يصلون
يستدرجون العزل للسمح الابرار
يستمتعون بقل الاطفال بالهون
ماكنه الاشعب مخلوق غدار
في قلب لا ساكن ولاهو بمسكون
بالذل ماتلقى على صيته غبار
كبارهم واطين وصغارهم دون
لابارك الله فيهم صغار وكبار
ولاجمع الله شملهم وين يسعون
وماتنطفي شمس الحقيقه ولو جار
فينا زمان الذل والضعف والهون
ودام الفشل والضعف ثلثين الاضرار
لابد ما نضحك ولا بد يبكون
وأنكانت قلوب العرب تنذر انذار
ليش انتجاهلهم واهم يستبدون
الناس قالت حارب النار بالنار
ومالله خلق للادمي عمر مضمون
وان كانت الفزعه من أحرار لأحرار
حنا البروق اللي غدت سحب ومزون
وحنا السكون اللي سبق عصف واعصار
وحنا سباع الكون يا لعنة الكون
وحنا عرب والعرب ماتترك الثار
بافعالنا ماهي بقولة يقولون
نزعل ولكن بالزعل دمنا حار
نفزع اليا شفنا العذارى يصيحون
عقالنا معهم من العلم مقدار
ومجنوننا ينطح ثمانين مجنون
ياشعب يا ثاير وياشعب مغوار
هون من اسباب المعاناه وتهون
أصرخ على كل البشر وأجهر أجهار
وخل اليهود إن مادروا عنك يدرون
وأجمع شتات الوقت تذكار تذكار
وأذكر مواقف كل طاعن ومطعون
حارب بدين الخالق النافع الضار
واستذكر الرحمن وابليس ملعون
واطرد من ارض الله عدوين الاذكار
وان جوك ولا جعلهم مايردون ورح قلهم حنا على كل مشوار
وذوقوا مرارة نصف ما تستحقون
واذا رضيتم قولوا الوقت دوار
واذا زعلتم سووا اللي تسون



نقرتين لعرض الصورة في صفحة مستقلة


للاستماع






لتحميل
نقرتين لعرض الصورة في صفحة مستقلة








نقرتين لعرض الصورة في صفحة مستقلة

نقرتين لعرض الصورة في صفحة مستقلة

الآم

قصيدتي زاد بعيوني جمالها

واخذت أنقي بالمعاني جزالها
واكتب معانيها من الشوق والغلا
لأمي وأنا اصغر شاعر ٍمن عيالها

كتبتها في غربتي يوم رحلتي
لما طرالي بالسفر ماطرالها
امي وانا بوصف لها زود حبها
وان ماحكيت لها قصيدي حكالها
امي لها بالقلب والجوف منزله
مكانة ماكل محبوب نالها
اقرب من ظلالي وانا وسط غربتي
وانا تراي اقرب لها من ظلالها
ماشافت اعيوني من الناس غيرها
ولا خلق رب الخلايق مثالها
اغلا بشر في جملة الناس كلهم
واكرم من ايدين المزون وهمالها
اتبع رضاها ورتجي زود قربها
واللي طلبته من حياتي وصالها
الصدق مرساها والاشواق بحرها
والعطف واحساس الغلا راس مالها
اهيم فيها وابتسم يوم قلبها
يسأل وانا قلبي يجاوب سؤالها
وان اطلبتني شي فزيت مندفع
اموت أنا واحمل تعبها بدالها
واصبر على الدنيا والاحزان والتعب
واحمل على متني فطاحل جبالها
واسهر اعذب راحة القلب بالشقا
واعيش اعاني بس يرتاح بالها
تربية ابوي اللي على الطيب بذكرة
اللي وهبني الحياه ومجالها
نور لي ادروبي وانا طفل مبتدي
حتى تركني واحد من رجالها
الوالدين اولى بالاحسان لجلهم
وأولى بتكريم النفوس وعدلها
اقولها وانا على الله متكل
والله عليم بقدرتي واحتمالها
ياكلمة اغلى من الناس كلهم
ياشمس بقلبي بعيد زوالها
يافرحة تملي لي الكون باكمله
ياشجرة تكبر ويكبر ظلالها
تضحك لي الدنيا ليا شفت زولها
مثل السما تزها بطلة هلالها
والبعد عنها ياهل العرف ماقدره
لاشك ناري زايدة بشتعالها
ماعيش ببلاد ولاهيب بأرضاها
ولابي عيوني كان ماهي قبالها
أرض ٍ تدوس امي بالاقدام رملها
اموت فيها واندفن في رمالها



نقرتين لعرض الصورة في صفحة مستقلة


للاستماع






لتحميل
نقرتين لعرض الصورة في صفحة مستقلة









نقرتين لعرض الصورة في صفحة مستقلة

نقرتين لعرض الصورة في صفحة مستقلة


سمو المجد

جيت أسلم لابقلبي لاطموح ولاتمني
الوكاد إني عنيت مودع تراب الكويت



ويشهد الله يوم جيتك ياطويل العمر كني
زاير الشعب السعودي في محله بيت بيت



قبل أشوفك من وصوفك غير فكرك مافتني
وبوجودك مثل جودك لاسمعت ولارأيت



جيت أبطويلك مسافات الدروب اللي طوني
ماعنيت إلا لوجهك بس كني ماعنيت



خطوتين من الكويت لي بحر جده وجمعني
مع سموك ياسمو المجد يافيصل وجيت



والقصيد إن مارهنته تحت كفينك رهني
لأن لو للطيب مبدأ فأنت أول من بديت



أنخلق لله وجودي وانخلق لرضاك فني
لوتحب أكتب كتبت ولو تحب أمحي محيت



وشبغيت أمر تمنى لايغرك صغر سني
شايف أنجوم الثريا جبتها لك لو بغيت



لو بعيش أعطي كفوفك مثل ماكفوفك عطني
لاتحسب أني بوفي لو عطيت ولوعطيت



أشهدني ماوفيت ولو وفيت أنشهدني
قلت عن نفسي مقصرواشهدني ماوفيت



لأنك أغلى من عروقي والوريد اللي سكني
واعتزازك تاج يبقى فوق راسي ماحييت



لأختلف فيك شخص لازم أخلف فيه ضني
وأن رويت الماي بروى مثل ماأضمى لاضميت



وأنزعلت أزعل وأبرضى لارضى قلبك لأني
واجب أزعل لازعلت وواجب أرضى لارضيت



انت مثل البحر تعطي والعطى ثقل وتأني
بس هو يعطي وياخذ وأنت ماعمرك خذيت



محتفظ بأسمى صفاتك ومتبنيها تبني
وأمتداد الملك خالد معدن وصوره وصيت



كن الارض تقول يوم أقدام خلق الله وطني
بعد رسله والصحابه أنت خير اللي وطيت



ياطويل العمر لولا المستحى لتمل مني
وقالوا إن لم تستح من شي ففعل ماشتهيت



ولا أنا لولا الملامه والنصيب اللي حضني
كان مسري من محلك لين أشوفك سريت



لو ينال المرء بأدراك المطالب بالتمني
كان أجل هموم قلبي تنتهي لو قلت ليت



مغترب جيت متعني لك ولاني بمتعني
وقتها كني رحلت من الكويت الى الكويت



بس والله يوم جيتك ياطويل العمر كني
زاير الشعب السعودي في محله بيت بيت



نقرتين لعرض الصورة في صفحة مستقلة


للاستماع





لتحميل
نقرتين لعرض الصورة في صفحة مستقلة








نقرتين لعرض الصورة في صفحة مستقلة

نقرتين لعرض الصورة في صفحة مستقلة


صوت الفلاح

البارحه يوم اكتمل صوت الفلاح بمرقبي

سبت الكويت بكبرها تبكي ورا ظهري وجيت

اسج رجلي للمسا والليل يسبيني سبي

وانا من البارح معاه اسري ولا كني سريت

ما ارتح لين اني قريت اهلا بكم في ابو ظبي

في ذمتي ما كني الا وسط بيتي في الكويت

لأني ليامني نويت اسعى لتحقيق طلبي

ما ينثني عزمي على قولة لعل ولا يا ليت

ما قد تعبت الا لناس(ن) يستحقون تعبي

ولا عنيت الا لظل(ن) يحتويني لا عنيت

نصيتها من عقب وجه الله لوجه اليعربي

اللي ليا مني تذكرته ليا ضقت اعتزيت

فلاح ابن زايد يزود وتقصر متون وعبي

الشيخه اللي من دخلت لقلب راعيها دريت

ان الرفيق اللي يجنب خوة امثالك غبي

وان الطريق لباب بيتك يختصر مليون بيت

وان البخيت اهو الذي ياصلك لو كان يحبي

وان الذي يتعب قبل لا ياصلك ما هو بخيت

وإنك وطن ما حس فيه اني مسير واجنبي

وإنك نهر شربت منه ومن بعدها ما ضميت

وجهك غناي وراحتك كنزي وخوتك ذهبي

اغضب من اللي يغضبك وارضى ليا منك رضيت

يا شيخ انا ماني ملاك ولا رسول ولا نبي

انا الجميل اللي حفظك وبحتفظ بك ما حييت

انا رفيقك لا غداك الحزن يا شوق الظبي

انا شريكك لو حزنك ولو فرحت ولو سليت

خذني ذراعك صاحبك درعك معك باللي تبي

درعك ذراعك صاحبك انا معك باللي بغيت

اللي يحمله منكبك كأنه يحمله منكبي

إليا سهرت اسهر معك واغفى ليامنّك غفيت

يا سيدي لو يمتثل وزن القصيد لمطلبي

لاكتب فلاح بكل حرف وكل شطر وكل بيت

اكتب فلاح بمشرقي واكتب فلاح بمغربي

اكتب فلاح ليا ذكرت وبكتبه لامن نسيت

فلاح في صدري.. فلاح بكل شبر بكوكبي

فلاح فيّ وفي عروقي من هنيا للكويت

لا هنت يا مخجل يدي يا عزوتي يا مكسبي

يا شعري ليامن كتبت وصوتي ليامن حكيت

من يوم ما اوحيت الندى يجتثني من مرقبي

سبت الكويت بكبرها تبكي ورا ظهري وجيت

ما ارتحت لين اني قريت اهلا بكم في ابو ظبي

في ذمتي ما كني الا وسط بيتي في الكويت

نقرتين لعرض الصورة في صفحة مستقلة


للاستماع






لتحميل
نقرتين لعرض الصورة في صفحة مستقلة








نقرتين لعرض الصورة في صفحة مستقلة

نقرتين لعرض الصورة في صفحة مستقلة


مفارق الفرسان

سلها سيف القدر والقرم حول عن حصانه

عظم الله أجر كل الأوفياء المخلصين

من رحل نبض القلوب اللي غمر شعبه حنانه

ما بقى للناس نبض ولا قلوب ولا حنين

عيب ما احزن والوطن يدفن جسد من عز شانه

عيب ما احزن والحزن لمفارق الفرسان دين

كيف ما نحزن لسيف(ن) عز دين الله وصانه

كيف ما نحزن لدرع(ن) من دروع المسلمين

كاننا ما نحزن لجابر من بنحزن عشانه

العيون لو ما بكت لمفارقك تبكي لمين

إن رحل حاكم يجي مليون حاكم في مكانه

بس جابر اليا رحل يرجع لنا جابر منين

يا منجي عزة الشعب الكويتي من هوانه

يا مسجي فطرتك في نهج خير المرسلين

كل دمعه كفنتك وما بكت بعدك جبانه

كل عين(ن) ما شكت من غيبتك ما هي بعين

كان لك في كل درب احباب واصحاب وميانه

وكل لك في كل بيت انفاس واحساس وضنين

كنت صبح(ن) ما تعلمنا الفلاح الا عشانه

كنت صرح(ن) ما تزعزعك الرياح وما تلين

بانتصارك زادت امجاد العرب قدر ومكانه

من ديارك فاض خيرك للمخاليق اجمعين

مع قرارك ادرك التاريخ من يطلق عنانه

عقب نارك ولعت نار القهر بالطيبين

إسألوا دمع اليتامى عن محبته وحنانه

إسألوا التاريخ قبله كان وين وصار وين

إسألوا مجد الوطن عن عهد من وحّد كيانه

إسألوا حزن البشر عن قصة الخير الدفين

إسألوا عن طيبته.. عن هيبته.. عن عنفوانه

إسألوا عن فزعته في نصرة المستضعفين

كيف حاكم يسكن الدنيا ويعمل للديانه

يثبت إنّا خير أمه اخرجت للعالمين

وش تكون الحكمه إن ما جات من منطق لسانه

من هم الزهاد كانه ما هو من الزاهدين

وش يكون الاتزان بجنب عقله واتزانه

ويش هو الدين لو هذا الوَرَع ما هوب دين

لا الوطن كأنه وطن ولا جنانه هي جنانه

كل شي بالبلد يا شيخ مكسور وحزين

شعبك اللي عاش فيك وعشت له بأمنه وأمانه

النهار اللي جمع من وجهك الطاهر جبين

الرحيق اللي زرعته في كفوف الزعفرانه

والغرام اللي تركته في ضمايرنا سجين

والسماحه.. والمروه.. والحميه.. والفطانه

والكرامه والكرم واهل الوفا والمحسنين

باب قصرك.. مسجدك.. منبره مأذنته.. أذانه

المصلين.. الصلاة.. المؤمنات.. المؤمنين

كلهم من يوم ذاك القرم حول عن حصانه

والدموع تهلهم في كل وقت وكل حين

لي متى.. لين الشعوب تعرف فضله وامتنانه

لي متى.. لين السنين تروح من دون السنين

لي متى.. حتى نحس ان الفرح مثل الخيانه

لي متى.. حتى نزين حزن عمره ما يزين

لين ندفع بالمدامع حزن لا يمكن دفانه

لين نغسل بالجروح آلام كل المسلمين

لين نثبت كيف كان بحبنا سيد زمانه

وكيف لما مات جابر مات مرفوع الجبين

كاننا ما نحزن لجابر من بنحزن عشانه

العيون ان ما بكت لمفارقك تبكي لمين

الزعيم ليا رحل نلقى زعيم(ن) في مكانه

المصيبة ليا رحل جابر.. يجي جابر منين



نقرتين لعرض الصورة في صفحة مستقلة


للاستماع






لتحميل
نقرتين لعرض الصورة في صفحة مستقلة






نقرتين لعرض الصورة في صفحة مستقلة

نقرتين لعرض الصورة في صفحة مستقلة


قــرم وفقــير

منك العذر وعلي المعذره

لا تحسب حساب هجر ولا هجير

كل ذنب بتذنبه بستغفره

واحد(ن) ما يعذرك ما فيه خير

دور بصدري وطن واستعمره

عندك من الضلع الأول للأخير

عيش فيني وادمر اللي تدمره

واعتذرلي واعتبر سرك ف بير

لا تبشرني بجرح وتذخره

لا تعشمني بفرح وتستخير

ولا تنومني بليل وتسهره

ولا تنام الا وانا جفني سهير

خلني مثل النجوم مبعثره

عيش فيني لا شهيق ولا زفير

لا تقول العفو عند المقدره

خل قلبك صلب وحسابك عسير

المسامح والزعل للمبزره

والا انا لاني زعول ولا صغير

ودي ادري ليه للحزن ثمره

ودي اقطف من قساوتك العبير

ودي اجفل من فراقك واحذره

ودي اعرف لو زعلت شيب يصير

لو تقدر خاطري صدق اكسره

لو صحيح تحبني لا تستشير

ازرع بقلبي سبب يستنفره

اثبت انك غير وان الناس غير

شاعرك ما كل بنت تجرجره

حارت ابه عقول ناس(ن) ما تحير

النسا ما حركوا فيه شعره

ثار عشق وما لقى شي يثير

لو سكت شفت الوقار بمنبره

وان تكلم زمهرير بزمهرير

ما يحضر إلا القلوب مجمهره

وما يغيب الا وعشاقه كثير

إن هجرته تستقر بمحجره

وإن تبعت رضاه ما عينت خير

إعشقه لكن بعد ما تقهره

إبتسم له بس لا شفته كسير

حن لكن حن لا جبت خبره

حب لكن خل حبك بالاخير

لو عطيته وجهك أعطاك ظهره

صد عنه ويتبعك مثل الضرير

لا تحاول تكسبه ما تخسره

صير ثلج يصير لك مثل السعير

ما تميل الا الغصون المثمره

وما يسيل من الجروح الا الغزير

من قبل ما تنقهر منه اقهره

قبل لا يستحقرك خلك حقير

اسكنه حرك جموده بعثره

اعشق اكره عاتب اشره حن غير

انثره لملمه.. لملمه انثره

صد.. ياخي طير لو تقدر تطير

من متى وانا اتحرى لي مره

تثبت اني لا وقعت اوقع كبير

ابك انا مقطوع من غصن شجره

لا صديق ولا رفيق ولا عشير

بدوي(ن) شيب الصبر شعره

ما عرف ريش النعام ولا الحرير

إن غفا كأن السحاب يدثره

وإن صحى يفرش من الرمضا حصير

ماخذ(ن) من قسوة البيد أكثره

ومن شموخ البدو شر(ن) مستطير

جنته صحراه والشوك زهره

والسراب بنظرته مثل الغدير

إن فزع يا مشجعه يا مظفره

من خلقه الله وهو قرم وفقير

كان ما تقدره قل ما تقدره

صير غالي صدق والا لا تصير

الغلا اللي ما تزعزعه اهجره

دام قلبك لا يجار ولا يجير

شوف لك رجل(ن) بليد استحقره

واجد اللي يعشقون بلا ضمير

بس انا لو جبت لي مية مره

ما تحرك فيّ شعره لو تطير



نقرتين لعرض الصورة في صفحة مستقلة


للاستماع





لتحميل
نقرتين لعرض الصورة في صفحة مستقلة








نقرتين لعرض الصورة في صفحة مستقلة

نقرتين لعرض الصورة في صفحة مستقلة

الشعــــراء

مابقى الا سود الايام تحرمك الرقاد
كيف الاوهام اتجرأ اتسريك مغبون



من متى تجزع من الدمع وتخاف البعاد؟
من متى تقفي بك ظنون وتجيبك ظنون؟




صرت تاخذ كذبتي صدق، ومزاحي وكاد
لو بقول اني بخونك تحسب اني بخون




ماتعرف ان كل شاعر يهيم بكل واد؟
وانهم دايم يقولون مالا يفعلون؟



ابك انا لاقلت ابنساك وانكرت الوداد
والله اني مانسيتك وولاهم يحزنون




من جزع من صفعة الشمس يطمع بالبراد
ومن فقد وجهاته الخمس يلقى بك ركون




اعتبرها هفوة انسان او كبوة جواد
لو بتسمح فانت غالي ولو تجرح تمون




عد صداتك مروة وطعناتك ضماد
خلهن لاراحن طعون ولا ردن طعون




خنجرك يستاهل الطعن ومتوني شداد
ومنك يازين الخناجر ويا بخت المتون




ردلي حنية المزح باحساس الجماد
خلنا واحد يجي صلب والثاني حنون




موت فيني واندفن فيك بثياب الحداد
وان حييت أموت لرضاك واحيا بك بهون




مره ارقد بالكفن وانت ترقد بالمهاد
ومرة ارقد بالمهد وانت ترقد بالكفون




ادري ان شجونك شجون واعنادك عناد
والبلا ان عنادك عناد وشجونك شجون




ربك اللي سخرك لي تقود وما تقاد
والله الخالق ولله في خلقه شؤون




ازرع ضلوعي من رضاك وابشر بالحصاد
لعنبو من جيت ترضيه وترد امحزون




بس تسوالك بلد ؟ قول تسوالك بلاد
انت كل العالم بكون ولحالك بكون




مابعد محبتك حب ومرادك مراد
غير كونك سيد حشاي تدري من تكون ؟




نعمتين اختصوا الخلق من جود الجواد
كافل الأرزاق من حيث مالا تعلمون




البنون ونعمة المال بعيون العباد
زينة الدنيا بلا شك في كل العيون




مثل زينة دنيتي بس عندي شي زاد
من عرفتك صاروا المال وانت والبنون




انتشي بك نشوة التيه لعناق الرشاد
وافزع الك فزعة القرم لشهاب الزبون




واحصنك تحصين الأرزاق عن درب الفساد
واعشقك عشق المظاليم لفراق السجون




لو تزيد الشوق جمرة تحولني رماد
لو يزيد العشق شعرة بوصل للجنون




خل هقواتك كبيرة ونظراتك بعاد
كانك انت بكبرك تهون من اللي ما يهون ؟




ازعلك وارهن حياتي تحت رحمة زناد
تهبى لا والله الا انت والموت تهبون

وانت باكر بتعرف على ناس جداد
والكلام يجيك من كل شكل وكل لون




لاتحسب ان كل كلمة بتسمعها وكاد
ولا تصدق هرج شاعر وتخدعك الظنون




دايم اعرف كل شاعر يهيم بكل واد
وان هم دايم يقولون ما لا يفعلون




حتى انا اللي قلت اعشقك وما اطيق البعاد
يمكن اطلع ماعشقتك .. ولا هم يحزنون


نقرتين لعرض الصورة في صفحة مستقلة


للاستماع






لتحميل
نقرتين لعرض الصورة في صفحة مستقلة








نقرتين لعرض الصورة في صفحة مستقلة

نقرتين لعرض الصورة في صفحة مستقلة


المباني

جابك الله من غياب ٍ ضيّق صدور المباني

قبل لا الوحشه تزعزع بيتك الصلب وتبيده
بيتك اللي من رحلت وكل جدرانه تعاني
ماتحمل ينتظر شهرين وعيونك بعيده
الله العالم لو إنك جيت متأخر ثواني
ماتشوف إلا بقايا من حصاه ومن حديده
من عرفتك وأنت تايه من مواني لي مواني
وتارك ٍ قلبي مولّع من وقيده في وقيده
ضاعت سنيني أحد بهاليالي وتحداني
وأنت ماتشبع غياب ولاتخاف من النقيده
ودي أتحمد لك الله بالسلامه , مامداني
كل ماتوصل برحله ترجع برحله جديده
دام تدري كل وجه ٍ غير وجه الله فاني
ياخي أكسبلك ثواب وخاف ربك في عبيده
كان فيني عيب قلي:فيني العيب الفلاني
كان هرجي مزعلك في شي قلي:لاتعيده
عيب تصغر في عيوني وأنت برقاب الغواني
كيف تستسهل طعوني وأنت خابرني وليده ؟
لعنبوك أن مت بيدك من يفكك من أخواني ؟
لحزنوا ربعي على فرقاي شاللي تستفيده ؟
أنت منت اللي عشقته أنت أكيد انسان ثاني
ليه صرت بهالبرود وبهالاحاسيس البليده ؟
وين حبك للزعل .وين العناد الأولاني ؟
وين حنّية زمان وفرحة العمر الرغيده ؟
وين ذاك اللي اليا أقبل مايبات إلا بمأني ؟
وين راح اللي اليا أقفى مايروح ألا فقيده ؟
واحد ٍ من جابه الله بس يامر ويعصاني
الوحيد اللي أخافه غصب وأمشي معه سيده
(مابغيت أطيح بيده) لين ماربي بلاني
ولا أنا لو هي بكيفي (مابغيت أطيح بيده)
ذاك بس اللي يامن جيته يلخبط كياني
اللي بنظره ينشف دم قلبي في وريده
قبل أشوفه أجمع اله أحلى القصايد والمعاني
وأن لقيته ماعرفت أقول لي جمله مفيده
الف مره قبله أعد القصيده من لساني
ولعنبوه أن جيت عنده قمت أخربط بالقصيده
أمدحه وأنا أدري أنه لو تباطاني نساني
أنطحه وانا أعرفه مجنون وأفكاره عنيده
من يسوي بي سواتك يالرهيف الاسمراني ؟
منهو من الناس غيرك غلطته ترفع رصيده ؟
من يقص(جناح طيرك)وأنت أعز أنسان جاني ؟
ليه أخاف(رماح غيرك)وأنت ضرباتك سديده ؟
ان تبعتك .أتبعك من طيبي وواسع بطاني
ولا أنا لاجيت أكيد انسان عزالله بكيده
أقدر أنزع لك ثيابي وألبس ثياب الأناني
وأقدر أطلع من عذابي والعب بدورك وأجيده
ومستعد أكسب رهاني لو بغيت أكسب رهاني
وأخدعك بحساس كاذب وأتحدى من يصيده
أبك أنا لي شفت خلّي حط غيري في مكاني
والله إني لتركه وأن صد لعشق سيد سيده
جيت مابيك تحقرني جيت أبيك تعز شاني
جيت أبي فزعة ظلوعك من مشاعرك البليده
خلني داخل (حدودك) وأجبر بخاطر زماني
أكذب بباقي (وعودك) وأصدق بلحظه سعيده
أنتشلني من (برودك) لو تولّع بالمحاني
عطني أحساس (بوجودك) وأخذ كل اللي تريد
تكفى واليا قلت :تكفى بيع خلق الله عشاني
لاتضيّع من يديني فرصة العمر الوحيده
يعلم الله شفت منك ومن غيابك ماكفاني
كان ماتقدر تخفف هم قلبي !! لاتزيده
شف غيابك وش يسوي بالصدور وبالمباني
وأنت تدري كيف كانت صدمت غيابك شديده
والله أنك لو وصلت البيت متأخر ثواني
مالقيت إلا بقايا من حصاه ومن حديده



نقرتين لعرض الصورة في صفحة مستقلة


للاستماع





لتحميل
نقرتين لعرض الصورة في صفحة مستقلة







نقرتين لعرض الصورة في صفحة مستقلة

نقرتين لعرض الصورة في صفحة مستقلة


قالها حامد

تماديتي وأنا مثلك تماديت بهجر وبعاد
وكلٍ مثّل عناده خفوقٍ ثابتٍ صامد
وإذا عندك بعادي عيد ترى عندي جفاك أعياد
وعسى طول الجفا مني يليّن قلبك الجامد
أبضحك وأظهر البسمة ولو إن الجروح اجداد
وترى قلب الحريقة ضو ولو وجه الحطب رامد
بكون أكبر من الغلطة وبعلن للهوا ميلاد
إذا كان الخطا منك مجرّد ثورة الخامد
وإذا كان الجفا منّك مسافات وغلا وعناد
تراي أكبر من عنادك وقولي قالها حامد



نقرتين لعرض الصورة في صفحة مستقلة


للاستماع






لتحميل
نقرتين لعرض الصورة في صفحة مستقلة








نقرتين لعرض الصورة في صفحة مستقلة

نقرتين لعرض الصورة في صفحة مستقلة


من تحت لتحت

لو تعرف الخطايا كيف كنت محروم
كان سود الليالي يوم طحت سمحت
لو هموم المفارق مثل كل الهموم
ماتشوفون عيني بالدموع سبحت
ولو تحن المشاكل عقب حب الخشوم
كان حبيت خشم المشكله واستحت
بين صدة عزيز وكبرياء مهزوم
عين شحت على وعينٍ استسمحت
بس مالله خلقني من بكاي معصوم
وادري انه المحاجر لو تفيض افضحت
والله اني على جرحي صبور وكتوم
لكن ان الدموع ان روحت روحت
اعذلتني ظروفي وانهكتني عزوم
والوجيه احزنت لي والقلوب افرحت
اشهد ان الليالي ماتعرف السلوم
قلب جافي لقاه ووجه صافي بحت
راهنتني تبلل بالدموع الكموم
ويشهد الله عليها راهنت واربحت
احرمت نور عيني من غلا ريم قوم
بذرةٍ وارتوتني واثمرت واطرحت
جادلٍ دوم ماهي مثلها كل يوم
استضاحت غموض وبالغموض اوضحت
دورت بين قلبي والهدب درب نوم
وامرحت وين مدري المهم امرحت
تنحت اسمي بقلبٍ جيت فيه معزوم
واسمها بين جلدي والعظام انحت
مثل جفني لعيني بالنعاس محكوم
كل مانمت نامت كل ماصحى صحت
ماتعارض كلامي غير عند اللزوم
بس لا قمت اسولف واندمجت سرحت
دايم ازعل عليها بس قلبي رحوم
وهي تموت بعذابي من تحت لي تحت
مثل وجه العلاقه في ثياب الخصوم
ان تطيبت طابت وان جرحت اجرحت
خصها الله بوصفٍ من خيال معدوم
لا اذان اسمعتبه ولاعيون المحت
كن ربي خلقها من بياض الغيوم
ومن كفوف السحابه بالورد القحت
عن سواها فرقها بالقمر والنجوم
وكل عذرى تباها بالجمال انزحت
بالحلا هي كوم وباقي الناس كوم
كفتٍ عادلوها بالبشر وارجحت
حسبي الله على اللي مابغاها تدوم
من بعد كيف كانت شوف كيف اصبحت
لاتحقق وصال ولا فراق محتوم
خطةٍ قربتني للفشل وانجحت
لعنة العشق تبقى مثل ضرب السهوم
لو محى الوقت جرحه صورته ما انمحت
كيف ابنسى وانا اللي من جفاف لسموم
ماحشمت العيون ولا الدموع فلحت
كانها بالحميا كل ربعي قروم
لو يلدون لاصعاب الظروف صلحت
اجزم ان كنت ياقلبي شجاع وجزوم
لد لعيون بنتٍ لا التفت الفحت
ماتهين البخيل الا يدين الخدوم
دام كف الخطايا بالجفا لوحت
نطح الباس باس ونطح اللوم لوم
وان تهدت تهد وصيح ان صيحت
ياتعيش بمعزه ياتموت محشوم
ودك ان الليالي لافعلت امدحت
عمر ضعف الاراده مايسر الرخوم
ضربت السيف لوبيدين الشجاع ذبحت



نقرتين لعرض الصورة في صفحة مستقلة


للاستماع





لتحميل
نقرتين لعرض الصورة في صفحة مستقلة








نقرتين لعرض الصورة في صفحة مستقلة

نقرتين لعرض الصورة في صفحة مستقلة


ثامن السبع العجايب

اسمعي والكل منا له هواه وله ميوله
لاتمسين بكلامك شعره بروس القرايب



ان حكيتي ما وفيت وان تحديتي عجوله
تحسبين ان كل فعل ٍ تفعله يمناك صايب



تحسبين انك خذيتي بالحش صولة وجولة
تحسبين اني ذكرتك مع نسانيس الهبايب



والله انك لو ذبحتي خافقي لألقاك حوله
عاشقة تشقي بقلب من طريق العشق هايب



كم رضيت اسكت عليك من القهر وانتي زعوله
خايف اضحك وستفزك واهجرك واعيش ذايب



ادعيت انك خجولة وادري ان ما انتي خجولة
وادري انك تخجلين الشمس من فوق السحايب



مايحببني بقلبك ياالهنوف الا فضوله
ولا ينسيني غرامك غير تكرار المصايب



عاشقة جيتي ورحتي يالحبيبه يالعذوله
لابنيتي لي طموح ولا تركتيها خرايب



تستبيحين القلوب وتستحقين البطولة
واستحق اعيش بعدك تايب واموت تايب



ياكثر ماشال قلبي شي اكبر من حموله
ولا عفيتي عن غلاه ولابخل لك بالوهايب



كنه ارحم من همال المزن للزهر بذبوله
وانتي اقسى من هجير القيظ وسموم اللهايب



وانتي ادرى في غلاك بداخلي ش اللي يزوله
وادخلي على الله واحفظي ذيك السبايب



ماخبرت اللحظة اللي حللت قربك تحوله
ولا هقيت اني بشدد للجفا قلب وركايب



ولاهقيت انك تحبين الزلل وانتي جفوله
ولاهقيتك تكرهيني كثر حبك للطلايب



كن قلبي في وصالك وابل ٍلحظة نزوله
وفي فراقك مثل دمعة تنحدر من عين شايب



كنت ابي وقفت حبيبه تنهض القلب بخموله
طامح بالعشق وانتي عايبه والحظ عايب



كنت ابيع الكون واشتري خافقك وظلال زوله
كنت اثور اليا وطيتي بالقدم شهب الترايب



كنت قصن كل كفي غير كفك مايطوله
كنت قلب ودمعتين ودرب وجروح عطايب



كنت ابيع العمر كله ورخصه عرضه وطوله
للعيون الي هدبها ثامن السبع العجايب



بس ابرضي لك غرورك واكسر القلب بذهوله
وقتها ماكنت افكر صايب او كنت خايب



والرجل لو ماتحلى بالشهامه والرجولة
صدقيني صعب يقدر يملك قلوب الحبايب



صدقيني مايوالف خافق البنت بسهوله
بالهوى يابنت حواء غير طلاب النشايب



والسهر والعشق الاول والهوى واللي ينوله
شي اقسى من همومك والعنه حاضر وغايب



والهموم اللي دعتني من بعد سن الطفولة
كلها ( من تحت راس العشق ) ملعون الصلايب



نقرتين لعرض الصورة في صفحة مستقلة


للاستماع






لتحميل
نقرتين لعرض الصورة في صفحة مستقلة







نقرتين لعرض الصورة في صفحة مستقلة

نقرتين لعرض الصورة في صفحة مستقلة


حد علمي

حد علمي بالغلا يوم كنت أسوى كثير
يوم كانت ضحكتي طبع وعنادي سمه



وحد علمي بالغلا يوم خفاقي ضرير
قبل أهدم العشق وأبنيه وأرجع وهدمه



وحد علمي بالبكاء يوم لي قلب وضمير
قبل أشوف المسلم يموت بيد المسلمه



إيه عدّت من يدي بس ماعدّت بخير
ليلةٍ عيّت تجيني وجتني مظلمه



من عرفت إحساسها كن في قلبي نذير
والنهار المكتئب باين ٍ من مقدمه



ليلةٍ حسيتها لاتجور ولاتجير
مثل طفل ٍ ماحقرته وعيّت إحشمه



وأصبحت مثل شعره وأقصمت ظهر البعير
وأبتدى في موته الجرح من حيث إختمه



صارلي بالعشق مالا هقيت أنه يصير
أنظلمت بعشرت أنسان ماكنت إظلمه



العشير اللي تبرى من ضلوع العشير
الحلا عزّز خطاياه والحظ إخدمه



لاتبسّم يكسر النور بعيون البصير
وكن شمس المغربيه تبات إبمبسمه



معتدل في قامته لاطويل ولا قصير
ممتلي بالزين من معصمه لي معصمه



فيه بلوان الهدب لون غير ولون غير
مثل ما للرمش بالعين قصه مبهمه



كنها نكس البيارق على شط وغدير
ومثل لملمت الشتات بشتات اللملمه



مع سواد مجدّل ٍ مايثور إلا يثير
كنه اللي ينهم الريح ثم ٍ تنهمه



ماتجمع لين قيّد حرير ٍ مع حرير
في ضلام ٍ علّم الليل مالم يعلمه



ماهقيت إن الهدب صلف وأجفانه تغير
لين سلهم لعنبوا جد ذيك السلّهمه



ماعتقني لين ساق البشاير للبشير
يوم صد وجاه قلبي بشحمه ولحمه



والله إنه حط قلبي تحت رحمت شطير
في يديه وكل ماراد يقسمه قسمه



ياعساني ماعدم إرضاه في برد وهجير
ولوعدمت مروّته ياعساني معدمه



إن طلب عيني رضا قلت ماغيره نظير
وأنشرب دمي غضب قلت يستاهل فمه



واهنيّه يرقد الليل مرقاد الغرير
كن نومه لابغى يهزم الجفن إهزمه



وإلنا من صفرة عصير الى صفرة عصير
والسّهر يايلزم العين وإلا تلزمه



لو صحيح إن الحبيبين يجمعه مصير
كان نفس اللي حرمني من النوم إحرمه



والله إن مروّتي ولّعت فيني سعير
يوم شفته تل قلبي وداسه بقدمه



مارحم زهرة شبابي وأنا توّي صغير
لين ضيّق خاطري ضيّق الله إنسمه


إيه عدّت من يدي بس ماعدّت بخير
ليلةٍ عيّت تجي بس جتني مضلمه



حد علمي في عناها عذاب وزمهرير
يوم قمت أوحي بالاضلاع صوت وهمهمه



وحد علمي بالرجا من نصير اليا نصير
يوم شفت النّفس تذبح وهي مستسلمه



وحد علمي بالبكا يوم لي قلب وضمير
قبل أشوف المسلم يموت بيد المسلمه



نقرتين لعرض الصورة في صفحة مستقلة


للاستماع






لتحميل
نقرتين لعرض الصورة في صفحة مستقلة








نقرتين لعرض الصورة في صفحة مستقلة

نقرتين لعرض الصورة في صفحة مستقلة


تزعلين وتقعدين

عافت الشمس المدينة وأعلنت وقت الزوال
رغبةٍ للنوم منها مع عيون الناعسين

أبعدت من يوم شافت بالسما ضيّ الهلال
كنّها كانت تهزّا بالهلال وتستهين

كفكفت صبح التلاقي من ورا روس الجبال
واستخارتني وراحت وابعدت عن كل عين

وانتي أخطيتي خطاها وانعزلتي بالوصال
ولا رحلتي من سكات ولا وعدتيني تجين

عشت عمري بالمحبة في سبيل الاحتمال
وانتي تعيشين عمرك تفرحين وتجرحين

من غرورك في جمالك ما عطيتيني مجال
وأدري إنك تفهميني لو بغيتي تفهمين

كيف أشوف الشمس تشرق بالسما وانت ظلال ؟
ومن يعيش بوسط غارٍ للذياب الجايعين ؟

كنت أحسب الكره زايل والجفا لو طال زال
ولا بديتي بالغرام ولا بقى فيني حنين

أشهد إني ما خطيت ولا نويت الانعزال
وما خدعتك في غرامي لين شفتك تخدعين

اصدقي بالوعد مرة لي ولو فيها سؤال
من عرفتك ما أذكر إنك توعدين وتصدقين

كنت أشوفك من عيونك تأمرين أقوى الرجال
والله إني قبل أعرفك ما هقيتك تخضعين

كنت أشوفك تبعدين وقلت من باب الدلال
وإن بعدتي عن عيوني قلت باكر ترجعين

كنتي أكثر في عيوني من عدد وبل الخيال
وين أنا ما الد وجهي كنت أشوفك تضحكين

وإن بغيت أصد عنك من يمين ومن شمال
ما قوت عيني تلفّت لا شمال ولا يمين

عاشقٍ والعشق بلوى وأشهد إن الحال حال
ولا تركتي رحمة الله ولا عرفتي ترحمين

وأدري إنك في غرامي للأسف نلتي منال
افترقنا في دقايق والسبب لعنة لعين

حبك أشبه في غرامي بالوصال الانفصال
ويلعب الخفاق لعبة كبرياء الخاضعين

بالهوى ماهي غريبة نكبة عيال الحلال
ولاني أول من يصون ولا انتي آخر من يهين

الصداقة في عيون الناس منفى للعدال
وكان ردّت للصراحة كلبونا مذنبين

المحبة شبه زالت والصداقة لاتزال
بس أببقى في عيونك ( حامد ) اللي تعرفين

علّميها يا قصيدة واضربي فيني مثال
عرفيها بالبداوة في طباع الأولين

علّميها كيف نصنع صبرنا والاحتمال
علّميها كيف نفلح بالعمل دنيا ودين

علّميها في سوالف حلّنا والارتحال
علّميها كيف نظهر جورنا للجايرين

علّميها يا دقايق ، علّميها يا ليال
علّميها يا عصور وعلّميها يا سنين

إن عشقنا ما بغينا غير عشقٍ بالحلال
وإن نوينا ما لفينا كود ناس طيبين

كاملينٍ في عطانا بس لله الكمال
والرجل فينا غرامه لو يعين ويستعين

ابدويٍ ما يقوده للردّى شد الحبال
يعسف اليدّ الشحيحة للعطا حتى تلين

همنا فعل الرجولة رمزنا لبس العقال
وانتي المكياج كله صار في وجهك سجين

عندك المكياج موضة تحسبين إنه جمال
صار همك في حياتك تكشخين وتطلعين

والا أنا قلبي بقى لي بالمحبة راس مال
والله اللي مبتليني بالهوى والله يعين

إن بغيت أعشق أبالقى كثر حبّات الرمال
لكن انتي لو بغيتي صعب مثلي تعشقين

قلت لك كل الصراحة وأختم أطراف الجدال
وإن زعلتي من كلامي تزعلين وتقعدين



نقرتين لعرض الصورة في صفحة مستقلة


للاستماع






لتحميل
نقرتين لعرض الصورة في صفحة مستقلة








نقرتين لعرض الصورة في صفحة مستقلة

نقرتين لعرض الصورة في صفحة مستقلة


غرام أحباب

على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني


تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني


لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني


صدفتك معجبه فيني وياليت..الغرام : اعجاب
وتراك انتي الهنوف اللي هقيتك تستحقيني


عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني


أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني


رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني


تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني


تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني


وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني


ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني


أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني


زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني


غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني


إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني


أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني


سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني


عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني


أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني


وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني


وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني


ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني


أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني


ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني


ما دام أن كل من يحيا على وجه التراب تراب
عسى تنساني الدنيا مادام أنتي ذكرتيني



نقرتين لعرض الصورة في صفحة مستقلة


للاستماع






لتحميل
نقرتين لعرض الصورة في صفحة مستقلة








نقرتين لعرض الصورة في صفحة مستقلة


نقرتين لعرض الصورة في صفحة مستقلة

و اخيراُ انتهينا من تعديل الموضوع

تحياتي لكم حبايب قلبي نقرتين لعرض الصورة في صفحة مستقلة

اخوكم كلمآتي نقرتين لعرض الصورة في صفحة مستقلة

نقرتين لعرض الصورة في صفحة مستقلة


 

كلمـآتـي غير متواجد حالياً  
التوقيع
نقرتين لعرض الصورة في صفحة مستقلة


/

آلّحٍيآإهـ

نقرتين لعرض الصورة في صفحة مستقلة

\

آوٍرٍآقٍ

نقرتين لعرض الصورة في صفحة مستقلة

/

مّنتٍهيةّ

نقرتين لعرض الصورة في صفحة مستقلة

\


ليست مشكلتي إن لم يفهم البعض مااعنيه؟


وليست مشكلتي ,, إن لم تصل الفكرة لأصحابها ؟


فهذه قناعاتي ,, وهذه افكاري ,, وهذه كتاباتي بين يديكم .,


أكتب مااشعر به ,, وأقول ما أنا مؤمن به .,


انقل هموم غيري بطرح مختلف .,


وليس بالضرورة ماأكتبه يعكس حياتي ..الشخصية .,


هي في النهاية ,, مجرد رؤيه لإفكاري .,


مع كامل ووافر الحب والتقدير لمن يمتلك وعياً كافياً .,


يجبر قلمي على أن يحترمه نقرتين لعرض الصورة في صفحة مستقلة .,

/
نقرتين لعرض الصورة في صفحة مستقلة

رد مع اقتباس

قديم 2008-09-05, 05:42 AM   #2

دلع زايد...
$$ شعلة المنتدى$$

مشرفة سابقة ][

 
الصورة الرمزية دلع زايد

  عَضويتيّ : 2423
  تَسجيليّ : Jan 2009
ڪلً مآ قدمت ً : 3,798
 نُقآطِيْ : دلع زايد will become famous soon enough
افتراضي

يســـلموووو


دمت مبـــدعـ


نقرتين لعرض الصورة في صفحة مستقلة
دلع زايد غير متواجد حالياً   رد مع اقتباس
قديم 2008-09-08, 07:40 PM   #3

دمعهـ قهر...
عضو نشيط
 
الصورة الرمزية دمعهـ قهر

  عَضويتيّ : 110
  تَسجيليّ : Aug 2008
ڪلً مآ قدمت ً : 92
 نُقآطِيْ : دمعهـ قهر will become famous soon enough
افتراضي

يا ناس اموت ع الذوق الي مخلي موضوع ذوق ..

لشاعر اموت بقصايده ..

تسلم ..
دمعهـ قهر غير متواجد حالياً   رد مع اقتباس
قديم 2008-09-27, 11:00 AM   #4

داويتهم وجرحوني...
عضو جديد
 
الصورة الرمزية داويتهم وجرحوني

  عَضويتيّ : 646
  تَسجيليّ : Sep 2008
ڪلً مآ قدمت ً : 1
 نُقآطِيْ : داويتهم وجرحوني will become famous soon enough
افتراضي

الله يعطيك العاافيه
داويتهم وجرحوني غير متواجد حالياً   رد مع اقتباس
قديم 2008-10-24, 12:56 AM   #5

مووون...
عضو جديد
 
الصورة الرمزية مووون

  عَضويتيّ : 987
  تَسجيليّ : Oct 2008
ڪلً مآ قدمت ً : 1
 نُقآطِيْ : مووون will become famous soon enough
افتراضي

يـعـطـيـك الـعـافـيـهـ ..

شكراً لكْ {~

مع تحياتي :/
مووون غير متواجد حالياً   رد مع اقتباس
إضافة رد

 ][ اخر المواضيع في قسم ][  ◦.. قــصأئـد شعـرية .. ◦



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مسابقة موقع ومنتديات الشاعر سعدالله حامد السلمي سندباد ◦.. إشهــآر مــواقــع .. ◦ 0 2012-04-07 12:29 PM
مكتبه الفيديو لشاعر ][ حامد زيد ][ جديد وبروابط مباشره كلمـآتـي ◦.. قــصأئـد شعـرية .. ◦ 7 2011-05-30 07:55 PM

][ مواقع صديقة ][

بطاقات اسلامية

رفع البطاقات

رفع الصور

اعلانات مجانية

البرامج المجانية

الالعاب الالكترونية

الربح من الأنترنت

تحميل برامج

رفع الفلاش

اعلاناتي

منتديات كلماتي

وظائف

برامج كاملة

لمسه مصمم

قناة الجزيرة +4

بطاقات رومانسية

مطلوب مشرفين ومشرفات
][  منتديآت كلمآتي ][
 
 

New Page 1




Powered by vBulletin® Version 3.8.7
Copyright ©2000 - 2014, Jelsoft Enterprises Ltd الموقع برعاية البوابة الرقمية

حمـاية وتطوير وتركيب كلمآتي
(^_^)
Google PageRank Checker Powered by  MyPagerank.Net